زعيم خيالى
عدد المساهمات : 61
العمر : 37
المهنة : 
الهواية : 
كيف تعرفت علينا : صديق
نقاط : 55417
 |  موضوع: وصية حسنى اللى يخش على مسئوليتة  الإثنين فبراير 23, 2009 2:20 am | |
|
تعالوا نتخيل رئيسنا المبارك وهو على فراش الموت ..
ماذا ستكون وصيته لاولاده وزوجته .. ربنا يديله طول العمر
ويبقيه خالدا .. دائما وابداً يارب
التفت الأسرة حول فراش الزعيم وهو يلفظ أنفاسه الأخيرة
.... قال الزعيم بصوت ضعيف ولكنه حازم فى نفس الوقت
حسنى: كلكم موجودين
سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين
حسنى: طب إسمعوا اللى حقوله كويس
جمال: سامعينك يابابا ... إتكلم
حسنى: مصر دى كنز.. ياولاد ... إمكسوا فيها بإيديكم وسنانكم
بنسرق فيها بقالنا سنين وسنين ولسه بتدينا
علاء: هيا دى البركة اللى بيقولوا عليها يابابا
حسنى: أيوه يابنى .... ربنا يبارك لكم ولعيالكم فيها .... ودلوقتى
علاء: إنته على الهوى يابابا ..... إتكلم
حسنى: أنا مش مديون لحد ياولاد .....
يعنى أى واحد يصيع عليكم ويقول لكم أبوكم كان مستلف منى فلوس
تفوا فى وشه على طول
علاء: إطمن يابابا ..... حرامى على حرامى ما يلعبش
حسنى: أنا سيبت لكم ياولاد اللى يكفيكم
إنتوا وعيالكم وعيال عيالكم ويفيض فلوس متلتلة متتعدش
مش حقول لكم حافظوا عليها وبس لآلآلآلآ ...
زودوها كمان وكمان لاجل ما روحى ترتاح وأنا فى تربتى
جمال: هيا الفلوس اللى إنتا عملتها يابابا دى بتسميها فلوس
شفنى أنا وعلاء حنعمل إيه ولا صحيح حتشوفنا إزاى ..... عموماً ما تقلقش
حسنى : ودلوقتى إسمعوا وصيتى ..... الحكم لاولاد مبارك ...
لازم أول ما جمال يحلف اليمين تغيروا إسم مصر وترجعوه زى ما كان زمان
أيام الملك فاروق والملكة نازلى (المملكة المصرية)
جمال: مفهوم يابابا .... خش فى اللى بعده الوقت بيعدي
حسنى: الجيش والشرطة والأزهر ...
أوعوا واحد من التلاته دول يخرج عن طوعكم أبداً
علاء: مفهوم برده .... اللى بعده .... ياساتر ده إنته ملل
سوزان:عيب ياعلاء لما تكلم أبوك كده
علاء: بهزر ياماما
حسنى: الهرم لأم العيال ... ليكى ياسوزان بعد ما خدمتينى بتفانى
وإخلاص طول السنين دى
سوزان: هرم !!!!!!! ..... هو دى آخرة صبرى !!! ...... وده يسوى كام ده
!!!! علاء وهو يمسك بالألة الحاسبة : يسوى كتير ياماما ..
لو تحبى أتصرف لك فيه ممكن يعمل معاكى مبلغ كويس
سوزان: مش ح ارضى باأقل من التلات أهرامات وأبو الهول معاهم كمان
حسنى: مش خسارة فيكى ياغالية أثار النوبة لعلاء .....
والأقصر لجمال ودلوقتى نيجى للميه
الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى
سوزان: إنت أكيد مخبول ... مليار ونص دولار سنويا صدقة جارية على روحك !!!!
جمال: ما تاخديش على كلامه ياماما ....
ده يبقى كتير لو طلعنا 100 ولا 200 جنيه على روحه للفقرا أونعمل له تلاجة مية
قدام الحسين .. عديها ياماما
علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح
حسنى: أوعوا تفرطوا فى حبيب العادلى من بعدى يا ولاد ..
حبيب قلبه ميت وإيده طرشه
وهوه ده اللى ينفع مع الغجر اللى هنا
جمال: بس ما بيعجبنيش شنبه يابابا
حسنى: إنته مالك ومال أم شنبه ..... إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً
حسنى: الشيخ طنطاوى ياولاد راجل بركة ...... يمين يمين شمال شمال ....
أوعوا تفرطوا فيه بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
علاء: ولا يهمك يابابا ... حاخلى أنكل كمال الشاذلى يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يابابا ... أنكل كمال مش حافظ الفاتحة
حسنى: المشير طنطاوى ياولاد .... مش حوصيكم عليه . . . الراجل ده عامل زى الست المستحية ....
حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفنى ما يقوليش
غير ياست هانم .... إبقى خليه معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها ......
هاتوا المخرج الإيطالى ده اللى إسمه مكافيللى يصورها
علاء وهو يمسك بالألة الحاسبة: هوه حيكلفنا كتير ...
لكن ممكن فى الأخر نلم مبلغ معقول لو خلينا شركة أجنبية
تحتكر حق توزيع الفيديو فى أوروبا وأمريكا
حسنى: عايز أحلى مدفع يشيل النعش يا ولاد
جمال: مدفع رشاش
سوزان: الهزار مش فى الحاجات دى يا جمال
جمال: آسف يا ماما
حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى ؟
حسنى: لأ كلها براغيت ياعلاء ........ وإسم شرم الشيخ كمان أشيك بكتير
|
|
زعيم ملكى
عدد المساهمات : 290
العمر : 27
المهنة : 
الهواية : 
كيف تعرفت علينا : صديقة
نقاط : 52074
| | موضوع: رد: وصية حسنى اللى يخش على مسئوليتة الثلاثاء مارس 30, 2010 4:31 pm | |
| هههههههههههههه
لا بجد وصايا مفيش بعد كدة
شكرا ع الموضوع |
|
مشرف عام للمنتدى
عدد المساهمات : 1389
العمر : 31
المهنة :
الهواية : 
كيف تعرفت علينا : صديق
نقاط : 57580
| | موضوع: رد: وصية حسنى اللى يخش على مسئوليتة الثلاثاء مارس 30, 2010 7:45 pm | |
|
ده انت عاوز تودينا فى داهيه ياعم
هههههههههههه |
|
نبذه تعريفيه
ضع رابطك هنا