الزعيم المحترف
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي




 
الرئيسيةدخولس .و .جبحـثالتسجيل

شاطر | 
 

 قاهرة المعز بقت بنت عز ...متمرمطة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دوللى

مشرف عام للمنتدى

مشرف عام للمنتدى
avatar

انثى

عدد المساهمات : 1068

العمر : 26

المهنة :

الهواية :

كيف تعرفت علينا : صديق

نقاط : 36297


مُساهمةموضوع: قاهرة المعز بقت بنت عز ...متمرمطة   السبت يونيو 06, 2009 4:21 pm

[center]قاهرة المعز ... بقت بنت عز ... متمرمطة




[ندعوك للتسجيل في المنتدى أو التعريف بنفسك لمعاينة هذه الصورة]


مافيش
حد فينا من سكان القاهرة والجيزة مش واخد باله ولا شاف ولا عاش الزحام
الغير طبيبعي الى بنعانيه كل يوم وكل لحظة وكل فامتو لحظة فى شوارع
المخروسة





قصة
عذاب كل صباح وكل مساء .. حدوته الزحام والشوارع الواقفة والعربيات
المتكربسة و المواصلات الى على بعضها سواء كانت ميكروباص أو مترو أو
اتوبيس أو حتى تاكسي





ده
حتى التاكسي بقى بيحمل طول ما هو ماشى زى الاتوبيس ... ويا ربت الشوارع
ماشية ولا حتى المواصلات مكفيه .. كله واااااااقف .. والعاصمة بتتحول
بقدرة قادر من الساعة 7 الصبح لحد 12 بليل لموقف او جراج كبييييييير
للسيارات





والى
توصلتله بعد عامبن او اكثر من العذاب .. ان الزحام ده مش عارض طارئ .. ولا
تشريفه مسؤل كبير معدية ... ولا ان فى حادثة .. ولا لان اليومين دول موسم
.. ولا ان القطورات بتدخل على بعضها فالناس بتركب المواصلات العادية ...
الزحام ده بقى حدوته مصرية يومية





ولو
انت عندك مشوار مهم اخر حاجة تفكر فيها انك تركب عربيتك او تاخد تاكسى او
ميكروباص او اتوبيس .. وبصراحة ولا حتى مترو ... ولو تعبت او حد من
عيلتكوا تعب ما تفكرش تطلب الاسعاف لانه اكيد المريض (هيفقس) فى السكة ...
ولو وراك امتحان يا دوبك تنزل قبليها بيوم ... ولو وراك مقابلة او ميعاد
مهم ... ابقى حدد معادها قبليها باسبوع وانزل قبليها بـ 3 ايام ... ولو
رايح مشوار ممكن تاخدها من قصيرها وتتمشى لان اكييد هتوصل اسرع بكتييير
حتى لو كنت ساكن فى أكتوبر او حلوان ورايح مشوار فى مصر الجديدة او التجمع
الخامس





بحثت
كتييير عن الاسباب .. لقيت اهمها ممكن يرجع لسوء التوزيع الجغرافى .. كل
سكان المناطق الجديدة سواء فى 6 اكتوبر او الشيخ زايد او التجمع الخامس او
العاشر او اطراف مدينة نصر هتلاقى اشغالهم ودراستهم ومصالحهم فى وسط البلد
او فى الجانب التانى من الكرة الارضية ... فبقى اغلب الناس عايزة تروح عكس
ما هى ساكنة .. فلكوا ان تتخيلوا المنظر ممكن يكون عامل ازاى ... يعنى
دكهوما عايزين يرحوا عند دكــهيا .. ودكـــهيا عايزة تروح عند دكهـــوما
... وطبعا دى ولا ارشميدس شخصيا يعرف يلاقيلها حل




[ندعوك للتسجيل في المنتدى أو التعريف بنفسك لمعاينة هذه الصورة]


برضة
كمية العربيات الجديدة الى بقت ماشية فى الشوارع ... وكمية التراخيص الى
بقت بتمنح كل فامتو ثانية برضة ... وده باعتبار ان احنا من الدول الى
بقينا (ور-ور) لاننا تفوقنا على لقب (نامية) مابين الدول الى مش لاقيه
تاكل ... وبدون اعتراض على ان العربيات الزيرو تنزل الشوارع .. بس كل
عربية تنزل نشيل قصادها واحدة من القديمة .. مش نلاقى عربيات جديدة ..
وجمبها عربية من سنة 20 لسه ماشية فى الشارع .. والاسرة بدل ما كان معاها
عربية .. فى اسر بقت العربيات عندهم زى الموبيلات .. كل فرد فى الاسرة
معاه عربيته





طبعا
ما يزيد الطين .. طين .. كل ما يمشى فى الشارع ولا يمت باى صلة لانه يكون
عربية او اتوبيس او موتوسيكل او مقطورة او ميكروباص ... وده طبعا امثال
التوك توك - البوكس - الكارو - اشباه الميكروباص - ويا عالم ايه تانى يجرى
فى المجرة الكونية ومش عارفينه





ايضا
لا ننكر التخطيط العام للطرق والمواصلات العظيم لحكومتنا المبجلة ... الى
رايحة تصلح المحور مع بداية موسم الصيف ... وبتصلح فى الدائرى مع دخول
المدارس والجامعات .. وغيره كتير من الشوارع الى مفتوح كرشها علشان
التصليح والصيانة فى مواسم الذروة ... واكيد هناك العديد من الأسباب التى لا حصر لها ولا عدد





ومن
الحلول البسيطة الى توصل لها شخصى الضعيف ... الى تنفع كبنج مؤقت ...
امكانية تغيير مواعيد بعض المصالح الحكومية او المدارس او الجامعات فى
الدخول صباحا .... يعنى زى ما حصل قبل كده واجازة الموظفين اتقسمت بين يوم
الخميس ويوم السبت مع يوم الجمعة ... وقبل كده بعض المدارس لما كانت فيها
فترات مسائية ... نحاول تانى نعيد التفكير فى حكاية مواعيد الصبح ... يعنى
الهيئات الحكومية بدل ما تبتدى من 8 الصبح ممكن تبتدى 10 او 11





او
المدراس بدل ما تدخل الساعة 7:30 الصبح يدخلوا 9 او 10 ... الجامعات ما
تبتدى من الساعة 1 او 2 ولا حتى 3.. وهى الطلبة وراهم ايه يعنى .. واهه
بدل السنكحة فى الشوارع ؟؟





لكن
ان كل شعب مصر ينزل الساعة 7 الصبح وبنفس الكم من العربيات وفى نفس
الشوارع .. اكيييد هنفضل فى هذه المأساة الانسانية الا ما لا نهاية .





وبعدين اخر حاجة احب اقولها ... ارحموا عزيز قوم ذل ..
وافتكروا تانــى ايام الامجاد وايام بناه الاهرام ...



والخس
يا اخوانا ... الخس مهضوم حقه على السفرة المصرية .. ويا ريت نهتم شوية
بوضوع الخس ... علشان الرجيم ... والاتوبيس بدل ما بيشيل 170 بنى ادم فى
المرة الواحدة .. ممكن يشيل 218 سخص
[/center]


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
كنزى

زعيم ملكى

زعيم ملكى
avatar

انثى

عدد المساهمات : 290

العمر : 21

المهنة :

الهواية :

كيف تعرفت علينا : صديقة

نقاط : 31034


مُساهمةموضوع: رد: قاهرة المعز بقت بنت عز ...متمرمطة   الخميس فبراير 25, 2010 9:36 pm

ميرسى وعندك حق بجد مصر بقت زحمة اوى
الرجوع الى أعلى الصفحة اذهب الى الأسفل
النجم ميمو

مشرف عام للمنتدى

مشرف عام للمنتدى
avatar

ذكر

عدد المساهمات : 1389

العمر : 25

المهنة :

الهواية :

كيف تعرفت علينا : صديق

نقاط : 36540


مُساهمةموضوع: رد: قاهرة المعز بقت بنت عز ...متمرمطة   الجمعة فبراير 26, 2010 11:53 am

شكرا ليكى يادوللى
فعلا الزحام بق خطر بيهدد العالم كلهمش بس مصر
ميرسى على المجهود


[ندعوك للتسجيل في المنتدى أو التعريف بنفسك لمعاينة هذه الصورة]



قد تكون دموعك قطرات من دماء
ولكن فى نظر الناس مجرد قطرات من الماء
الرجوع الى أعلى الصفحة اذهب الى الأسفل
 

قاهرة المعز بقت بنت عز ...متمرمطة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الزعيم المحترف :: القسم العام :: المواضيع العامة-