حد يعرف هما ليه زمان كانوا بيجعلصوا الكلام اوى؟ كنت تحس وانت بتتفرج على اى فيلم قديم انهم بيرجعوا مش بيتكلموا , وياترى لو تخيلنا حوار بين واحد من زمان وواحد دلوقتى ياترى هايكون ازاى؟ تعالوا نشوف:
بتاع زمان: نهارك سعيد يا افندى
بتاع دلوقت: صباح القشطه يا برنس
بتاع زمان: انا متضايق قوى ومهموم وفيه شئ بداخلى بدى اقولك عليه
بتاع دلوقت: قول يا باشا قافش ليه؟
بتاع زمان: يا أخى البنات ابتدوا يغزوا الشوارع بشكل رهيب, تصور يا اكسلانس حتى الجامعه بقى فيها بنات.
بتاع دلوقت: او يا عم والنعمه معاك حق, كوبرى الجامعه بقى مرشق بنات حتت مهلبيه معديه
بتاع زمان: مهلبية ايه بس يا اخى؟ دا حرام والله. شئ فظيع انك تلاقى حواليك من كل ناحيه بنات سافرات الوجه. دا حتى الملايات بيقلعوها.
بتاع دلوقت: فعلا؟ بتوع الأداب بيقلعوهم الملايات؟ طيب دا بيس خالص. يا بخت شرطة الأداب.
بتاع زمان: يا ريت على بتوع الأداب وبس. دا حتى الحقوق والتجارة دخلوا فيها. ومش بعيد بعد كام عام تلاقى حكيمه ست وافوكاتو ست.
بتاع دلوقت: ولو انى مش فاهم يعنى ايه افوكاتو لكن حاسس كدا انك لسه قافش. ياعم فكها ولو المزة فرقعتك فرقعها انت كمان وشوف غيرها.
بتاع زمان: مزة ايه ومعزة ايه؟ صدقنى يا افندى المسأله اضخم مما تتصور. انا راح اقولك على شئ فى منتهى الغرابه تصور يا مون شير انى امبارح وانا فى التياترو كانت جنبى واحدة ست ولوحدها؟؟
بتاع دلوقت: اة والنعمه هما دلوقت فى المترو بيسيبو عربيات الستات وييجوا يتلزقوا فينا فى عربياتنا.
بتاع زمان: مترو ايه يا اخى؟ عموما انا لازم امشى لأنى عندى معاد انجليزى مع حكيم العيون اورفوار يا اكسلانس
بتاع دلوقت: وانا كمان عندى رانديفو فرنساوى مع المزة, سلام يا زعيم.
نبذه تعريفيه
موضوع: صراع بين زمان ودلوقت 
الأحد مارس 08, 2009 2:54 pm
ضع رابطك هنا